仲有幾日就生日
呢個page run咗5年
我由當初初出茅蘆嘅小傭子
漸漸變咗而家嘅傭叔叔
呢排同啲舊同學gathering
又去咗幾次婚禮
每次話題都離唔開結婚生仔買樓
有人分享逆市轉到工仲加埋人工大家都為佢感到高興
彷彿身邊嘅人都為緊生活去努力
而我 幾廿歲人 仲好似好不切實際地追緊所謂嘅夢 過緊朝不保夕嘅人生
實不相暪小弟上個月收入得一萬四千三百元
當然過去幾個月除返暈係OK嘅
大家唔洗咁擔心
接近三十歲人
有時我都會諗
我係咪都要被社會磨走下啲棱角
順住個社會洪流去走 唔好再死撐
去教英文穩穩定定都有三萬幾蚊人工
有時我甚至會反省
我而家所做嘅一切係為咗啲乜
網絡世界個個都想紅想多Like想做明星
前嗰排我為咗生計 為咗可以多啲jobs 開始密集式瘋狂拍片 因為我覺得咁樣會容易啲紅
但最後我一啲都唔enjoy 剪片呢個沈悶嘅process 就放棄了
我又反省究竟我做呢啲係為乜
然後11月南豐紗廠嘅主題市集我感到無比興奮
足不出戶三個禮拜畫完本月曆又會非常有滿足感
畫完張惡搞圖又好多人覺得好笑
我就知道自己最想要嘅係
就好似我對你哋嘅感情
由始至終都冇變
我冇高超嘅畫功
但希望有人會記得有個傻傻畫公仔嘅小伙子
有時有人問我做盛行
我答做網絡創作／KOL我自己都sam hui
行上呢條同好多人都一樣嘅不歸路
我諗到一首零零後唔識嘅歌
「當 我和世界不一樣
那就讓我不一樣
堅持對我來說 就是以剛克剛」
今年生日我嘅生日願望係
有sugar daddy可以衝出嚟包養我
廣告時間11月7-8日南豐紗廠希望可以見到你
支持下我呢個寂寂無名sam hui KOL
同埋記住買埋我本月曆
仲有兩日截數
https://theflyingmaid.shoplineapp.com/
廢話講完
未是正日唔洗咁早講生日快樂
不過你有心都好好
啜卜
sugar daddy歡迎inbox 等你唷
「逆風的夢想 更適合飛翔
我不怕千萬人阻擋
最怕自己投降」
https://youtu.be/R2s-H_crYkc
Search